• Пн. Дек 5th, 2022

ШЫМКЕНТТЕ ИДЕОЛОГИЯ САЛАСЫНЫҢ ҚЫЗМЕТКЕРЛЕРІ «RUH CAMP» СЕМИНАРЫНДА  БІЛІКТІЛІГІН АРТТЫРЫП ЖАТЫР

Автор:admin

Окт 2, 2022

Шымкент қаласында ҚР Ақпарат және қоғамдық даму министрлігінің тапсырысымен Қазақстандық қоғамдық даму институтының ұйымдастырумен «Ruh camp» көшпелі оқыту семинары өтіп жатыр. Семинарға Қызылорда, Түркістан облыстары мен Шымкент қаласының идеология саласына жауапты жергілікті атқарушы органдарында жұмыс істейтін 30-дан астам қызметкер қатысуда. Оларға танымал коуч жаттықтырушылар, республикалық сарапшылар қауымдастығының өкілдері мен институт қызметкерлері дәріс өтеді. Тәуелсіз Қазақстанның стратегиялық бағ­дар­­ламасында әлеуметтік өркендеудің жаңа ме­жесі ретінде 2050 жылға дейінгі уа­қыт ара­лығын қамтуы бекерден-бекер емес. Өрке­ниет­ті елдердің даму үлгісінде мұндай ұзақ мер­зімді даму бағдарламасын қабылдау бар. Дәл осын­дай бағдарламаны ғаламдық саяси инс­ти­тут БҰҰ қабылдаған. «2050 жылға дейінгі өркениеттер дамуының әлемдік даму тенденциясы» – деп аталады. Сондай-ақ, «Дүниежүзілік азық-түлік ұйымы 2050 жылға дейінгі даму бағ­дарламасын» жариялаған. Қазақстан Республикасы 2050 жылға қарай әлемнің дамыған 30 елінің қатарына кіруді межелеп отыр. Бұл ғылыми негізделген қаржылық және кадрлық ресурстармен тия­нақталған қол жеткізуге мүмкіндіктеріміз бар мақсаттар. Стратегиялық бағдарламаны жү­зеге асыруда әрбір қазақстандық азаматтың еншілес үлесі бар. Ал стратегияны жүзеге асыруда идеологтардың жұмысы ерен екені баршамызға мәлім. Осы орайда жоғарыда атап өткеніміздей Оқыту семинары қызметкерлердің коммуникативтік қасиеттері, аналитикалық дағдылары мен сыни ойлау қабілеттерінің дамуына, ауқымды деректермен жұмыс істеудің жаңа әдіс-тәсілдерін меңгеруге, жергілікті атқарушы органдар қызметкерлерінің біліктілігінің артуына және БАҚ саласында сапалы ақпараттық-имидждік сүйемелдеуді қамтамасыз етуге мүмкіндік берді. Оқыту семинарын «Data Insight» тәуелсіз агенттігінің және Dataisight Academy онлайн мектебінің директоры, әлеуметтік, бизнес және ғылыми зерттеулер жүргізудегі 12 жылдық тәжірибесі бар, 50-ден аса аймақтық, республикалық және халықаралық ауқымдағы жобалардың авторы, әлеуметтік психология және зерттеу әдіснамасы бойынша жаттықтырушы  Ілияс Тілеубергенов жүргізуде.  Екі күндік модульдің алғашқы күні Ілияс Тілеубергенов «Мемлекеттің идеологиялық жұмыстары: аймақтарда іске асыру жолдары» тақырыбында сөз алып, идеологияның маңыздылығы, қоғамдық сана мен құндылықтарға әсері, идеологиялық жұмыстарды қаражатсыз өткізу, идеологиялық жұмыстың тиімділігін бағалау мен мониторинг жасаудың тәсілдері бойынша кеңінен әңгімеледі. Айта кетейік, семинар соңында қатысушыларға сертификаттар табысталды деп жоспарланған. Жалпы, «Ruh camp» көшпелі оқыту семинарлары осыған дейін 24-25 тамыз күндері Көкшетау, 7-8 қыркүйек күндері Ақтөбе қалаларында өткен. Биылғы жылдың 5-6 қазан күндері Алматы, 13-14 қазан Астана қалаларында жалғасады.

Jsk ақпарат