12 тамыз — Халықаралық жастар күніне орай Шымсити саябағында «Zhastar fest – 2026» мерекелік фестивалі өтті. Жастар ресурстық орталығы мекемесі ұйымдастырған концерттік іс-шара қала жастарының өнері мен шығармашылығын қолдауға бағытталған.
Мерекелік кеш ҚР Мемлекеттік Әнұранымен басталып, «Шамсинұр» би ансамблінің өнерімен жалғасты. Фестиваль барысында жастарға арналған концерттік бағдарлама ұсынылып, белгілі өнерпаздар өз өнерлерін ортаға салды.
Іс-шарада қала әкімінің орынбасары Сәрсен Құранбек бүгінгі жастарға барлық жағдайлар жасалып жатқанын атап өтіп, нашақорлықтың алдын алу бағытында ұйымдастырылған «Жас мобилограф» байқауының жеңімпаздарына қаржылай сыйлықтарын табыс етті.
Қалалық ардагерлер кеңесінің төрағасы Кенжехан Төлебаев жастарды мерекемен құттықтап, қоғамдық жұмыстарға белсене қатысып жүрген белсенді азаматтарды қала әкімінің Алғыс хатымен марапаттады. Сондай-ақ, қаладағы жоғары оқу орындарының ректорлары да бүгінгі мерекеге орай ізгі тілектерін жеткізді.
Фестивальдің концерттік бағдарламасында Бағлан Жолдасов, Астана Қарғабай, Сырым Исабаев, Қуаныш Әбжапбар және Алуа Мерген өнер көрсетіп, қала тұрғындары мен қонақтарына әсем әндерін тарту етті.
Сонымен қатар, «ZHASTAR FEST – 2026» жобасы аясында өткізілген «Оқырман», «Stand Up», «Поэзия», «Акустика» және «Заманауи би» бағыттары бойынша байқаулардың жеңімпаздары марапатталды.
Кештің қорытынды бөлімінде «Шамсинұр» би ансамблі, «Арт Шоу» тобы және «Бурхан Стайл» барабан шоуы өнер көрсетті.
«ZHASTAR FEST – 2026» фестивалі жастардың басын біріктіріп, олардың таланты мен шығармашылық әлеуетін көрсетуге мүмкіндік берген мазмұнды мерекелік кеш ретінде өткізілді.
Қазақстан жастарының фестивалі – жай gana ойын-сауық кеші емес, бұл – жас таланттарды анықтауға, олардың идеяларын қолдауға және өзара тәжірибе алмасуына мүмкіндік беретін кешенді платформа. Фестиваль аясында әртүрлі бағыттар бойынша іс-шаралар ұйымдастырылады:
Фестивальдің басты ерекшеліктерінің бірі – ұлттық құндылықтар мен жаһандық трендтердің жарасымды үндесуі. Сахна төрінде Абайдың асыл сөзі мен дәстүрлі әндері қайта жаңғырып, хакімнің «Толық адам» концепциясы мен білімге ұмтылу өсиеті жастардың негізгі бағдары ретінде насихатталады. Сонымен қатар, фестиваль аясында белгілі қоғам қайраткерлерімен, кәсіпкерлермен және өнер жұлдыздарымен ашық кездесулер (TedX форматында) өтіп, жастарға мотивация береді.
Фестивальдің ұйымдастырылуы – мемлекеттің жастар саясатын дамытуға, олардың өзін-өзі жүзеге асыруына барынша жағдай жасап отырғанының айқын дәлелі. Мұндай ауқымды жиындар жастар арасындағы достық пен бауырластықты нығайтып, елдің бірлігі мен ынтымағын арттыруға зор үлес қосады.
Қазақстандағы жастар фестивалі – ел болашағының берік діңгегі болар жалынды ұрпақтың күш-гері мен таусылмас жігерін көрсететін мереке. Мұнда біріккен жастардың әрбір бастамасы мен жаңа идеясы – ертеңгі дамыған, бәсекеге қабілетті әрі парасатты Қазақстанның негізін қалайды. Жас толқынның бойындағы отансүйгіштік пен білімге деген құштарлық елімізді әрдайым жаңа биіктерге бастай бермек.