• 28 марта, 2024 5:11 пп

Салтанат Тұрсынбекова Алматыда құқық қорғаушылармен кездесті

Автор:admin

Ноя 7, 2022

ҚР президентін сайлауда кандидат Салтанат Тұрсынбекова Алматыда құқық қорғаушылармен кездесу өткізді.
Атап айтқанда, кездесу барысында құқық қорғаушылар, үкіметтің емес ұйымдардың өкілдері өз пікірлерін айтып, тиісті ұсыныстарын жеткізді.
Жиын барысында тұрмыстық зорлық-зомбылық, толық емес отбасылар, көпбалалы аналар, жалғыз басты аналар, жеңілдікпен берілетін ипотека, әлеуметтік тұрғын үй, адам саудасымен күрес, балалардың құқықтарын қорғау, кедейлік пен табыс теңсіздігі, дарынды жастардың мүмкіндіктері мен олардың шетелге кетуі, сондай-ақ құқық қорғаушылардың мәселелеріне қатысты жергілікті атқарушы органдардың тиісті әрекет етпеуі тақырыптары қозғалды.
Сонымен қатар құқық қорғаушылар аталған мәселелерді шешу бағытында Салтанат Тұрсынбековаға әйелдер партиясын құру ұсынысын айтты.
Естеріңізге сала кетейік, сайлау алдындағы үгіт-насихат 2022 жылғы 21 қазанда басталды және сайлаудан бір күн бұрын, яғни 19 қарашада аяқталады. 19 қараша – республика бойынша тыныштық күні. Ал, 20 қарашада Президент сайлауы өтеді.

Автор: admin