• Чт. Дек 1st, 2022

ШЫМКЕНТ ҚАЛАСЫНЫҢ МЕМЛЕКЕТТІК КІРІСТЕР ДЕПАРТАМЕНТІ САЛЫҚТЫ УАҚЫТЫЛЫ ТӨЛЕУГЕ КЕҢЕС БЕРЕДІ

Автор:admin

Окт 6, 2022

«Өндіріс және  жаңа  технологиялар саласындағы салық  салу  объектілері үшін қолайлы салық режимін енгізілді. Қазір бұл жұмыс басталды. Барлық қолданыстағы салық жеңілдіктеріне ревизия жүргізіп, оларды мейілінше тиімді етілуде.  Біз салық әкімшілігін ырықтандыру және кеден әкімшілігін жүйелендіру саясатын жалғастырып келеміз. Салық есептілігін жеңілдету, әрі мейілінше азайту қажет. Біз нарық қатысушыларын салықтан жалтару жолдарын іздеуге емес, бәсекелестікке ынталандыруымыз қажет.  Салықтық қадағалауды прагматикалық азайту шаруашылық субъектілерінің салық қызметімен диалогын азайтуға тиіс. Алдағы бес жылда бәріміз онлайн-электрондық есептілік режиміне көшуіміз керек.» — деп атап көрсетілген «Қазақстан-2050» мемлекеттік стратегиясында. Осы мақсатта Шымкент қаласында баспасөз мәслихаты өткен болатын. 2022 жылдың 1 қазанында жылжымайтын мүлік және жер учаскелерінің меншік иелеріне 2021 жылға есептелген мүлік салығын төлеу мерзімі аяқталды.  Салық берешегі 40 АЕК-тен жоғары азаматқа Қазақстаннан кетуге тыйым салынуы мүмкін. Бұл туралы бүгін Ақпараттық-коммуникациялық орталығында Шымкент қаласы бойынша Мемлекеттік кірістер департаменті Өндірістік емес төлемдер басқармасының басшысы Бауыржан Омартаев мәлімдеді. «Өткен жылдың салық төлеу мерзімі екі күн ішінде аяқталады. Салықты уақыты төлеуге асықпайтындар жетерлік. Осы ретте, төлемеген жағдайда, кешіктірілген әрбір күнге өсімпұл жүретін болады. 2022 жылдың 2 қазанынан бастап жеке тұлғалардың салық берешегі туралы хабарламалар борышкерлерге жолдануда. Өңірдегі 50 мыңға жуық меншік иесі 700 млн. теңгеден астам салық міндеттемесін әлі орындамаған. Сондықтан артық шығындар мен келеңсіз жайларды болдырмау үшін мүлік салығын уақытылы төлеуге шақырамын» — деді  спикер. Бір айлық есептік көрсеткіштен астам берешек сомалары бойынша хабарлама табыс етілген соң отыз жұмыс күнінен кейін берешекті мәжбүрлеп өндіріп алу туралы салық бұйрығы жіберіледі. Бұл салық бұйрығы бес жұмыс күні өткеннен кейін жеке сот орындаушыларына мәжбүрлеп өндіріп алу үшін беріледі. Жеке сот орындаушылары берешек сомасынан басқа шоттарға тыйым салу және шығуға шектеу қойып, салық берешегі сомасының 25%-на дейінгі мөлшерде қосымша төлемді өндіріп алады. Ал банктер жеке тұлғаларға банк шоттарын ашудан бас тартуға міндетті. Алайда бұған әлеуметтік төлемдер, зейнетақылар, алименттер алуға арналған банк шоттарын, сондай-ақ білім беру жинақтау салымы шоттары жатпайды. Салықты «e-Salyq Azamat» және екінші деңгейдегі банктердің мобильді қосымшалары, «Электрондық үкімет» порталы арқылы, екінші деңгейдегі банктердің бөлімшеріндегі немесе төлем терминалдарындағы қолма-қол ақша қаражатымен және банкоматтар мен төлем терминалдарындағы банк карталары арқылы төлеуге болады.

Jsk ақпарат