Қазақстанның дамуы мен тұрақтылығының негізін ұлтаралық бірлік пен қоғамдық келісім қалайды. Ел Президенті Қасым-Жомарт Тоқаев бұл туралы өз сөзінде былай дейді: «Бірлік пен келісім — еліміздің басты байлығы, оны сақтау және нығайту әр азаматтың парызы».Түркістан қаласы осы міндеттің символдық орталығына айналған, себебі ол тек тарихи және рухани мекен ғана емес, ұлтаралық түсіністікті нығайтып, қоғамдық татулықты дәріптейтін айрықша қала болып табылады.
Түркістанның рөлін ұл қаймақтары бағзыдан: «Қазақстандағы әрбір киелі орын халықтар арасындағы түсіністіктің, сыйластық пен бірліктің көрінісі» деп бағалайды.Түркістандағы тарихи-рухани кешендер-Қожа Ахмет Ясауи кесенесі, Жұма мешіті, ханака мен медреселер-әр түрлі ұлт пен дін өкілдері үшін ортақ мәдени мұраның көрінісі. Бұл кешендер халықтарға тек рухани сабақ беріп қана қоймай, ұлтаралық келісімнің нақты мысалы ретінде қызмет етеді.
Қаргі Түркістан қаласының мәдени-діни ландшафты әртүрлі конфессияларды үйлестіріп, қоғамдық келісімді нығайтуға жағдай жасайды. Сопылық дәстүрлер, исламдық білім беру орталықтары, сондай-ақ халықтық дәстүрлер мен мерекелік шаралар қоғамда диалог пен түсіністікті қалыптастырады. Осы үйлесімнің арқасында Түркістан тарихи дәстүрлер мен заманауи қоғам арасындағы көпірге айналды.
Негізінде Түркістанның рөлі тек тарихи мұрамен шектелмейді. Қала қазіргі таңда Қазақстандағы этносаралық және дінаралық тұрақтылықты көрсетуге арналған мәдени-рухани платформа ретінде қызмет етеді. Ұлт зиялылары атап өткендей, «Түркістан — бұл тек кесене немесе тарихи ескерткіш емес, ол халықтар арасындағы достық пен бірліктің тірі мысалы». Қаланың әрбір киелі орны мен мәдени дәстүрі қоғамдағы өзара сыйластық пен бірліктің тұрақты негізін қалыптастырады.
Президент тапсырмаларына сәйкес, Түркістанның тарихи, рухани және мәдени мұрасын сақтау — тек туристік бағыт емес, ұлттық бірегейлікті және қоғамдық келісімді нығайтуға бағытталған стратегиялық міндет. Қаладағы тарихи орындарды, мәдениет пен білім беру орталықтарын дамыту арқылы мемлекет қоғамға әр түрлі ұлттар мен дін өкілдерінің өзара түсіністігін арттыруға мүмкіндік береді.
Қаланың рухани дәстүрлері-тек өткеннің естелігі емес, қазіргі және болашақ ұрпақ үшін үлгі. Түркістанның тарихи және діни кешендері жастарға және қоғамға мәдениеттің, толеранттылық пен өзара құрметтің маңызын үйретеді. Бұл қала ұлтаралық келісімнің, қоғамдық татулық пен бірліктің символына айналғандықтан, Қазақстандағы тұрақтылық пен біртұтастықты қолдауда негізгі рөл атқарады.
Түркістан-ұлттар мен діндердің бірігуін көрген, тарихи және рухани мұраның сақталуына жағдай жасаған, сондай-ақ қоғамдық келісімді жоғалтпаған қала. Оның тарихи және мәдени мәні қазіргі Қазақстанның тұрақтылығы мен дамуы үшін аса маңызды болған, бола береді де. Бұл қала- елдің біртұтастығы мен ұлтаралық түсіністіктің жарқын үлгісі, ұрпаққа рухани сабақ беретін негізгі орталық, асыл қазына, дария мектеп.
JSK Enter Media