Шымкенттің Тұран ауданындағы Ақтас шағынауданында жаңа балалар ойын алаңы тұрғындар игілігіне берілді.
«Халық қатысатын бюджет» жобасы аясында 400 шаршы метр аумақ абаттандырылып, заманауи ойын және воркаут алаңдары, жарықтандыру жүйесі орнатылды.
Құрылыс жұмыстары тамыз айының басында басталып, белгіленген мерзімде аяқталды. Нысанға 3 жылдық кепілдік берілген.
Тұрғындар жаңа алаңның ашылуына қуанып, оның игілігін пайдалану және тазалығын сақтау жауапкершілігін өз мойындарына алуға дайын екендерін жеткізді.