Әрбір жас буын – еліміздің ертеңгі болашағы, қоғамның тірегі және отбасының үміті. Жастардың дені сау, білімді және тәрбиелі болуы мемлекетіміздің дамуы үшін аса маңызды. Сол себепті қазіргі қоғамда жастардың дұрыс жолда дамуына қолдау көрсету, зиянды әдеттердің алдын алу, салауатты өмір салтын насихаттау – баршамыздың басты борышымызы саналады. Әсіресе, нашақорлық, темекі шегу, ішімдікке тәуелділік сияқты зиянды әдеттер жастар арасында жиі кездесетін өзекті мәселелердің біріне айналып отыр. Бұл әдеттер тек жеке адамның денсаулығына зиян келтіріп қана қоймай, отбасы мен қоғамға да теріс әсерін тигізеді. Сондықтан жасөспірімдерге нашақорлықтың қауіптілігі мен салдарын түсіндіру, алдын алу шараларын жүйелі түрде өткізу өте маңызды.
Осы мәселелерді ескере отырып, Отырар аудандық білім бөліміне қарасты Ө. Жәнібеков атындағы №4 лицей-интернатының жоғары сынып оқушыларына Жастар ресурстық орталығының психолог маманы Маханбетжан Ә. арнайы түсіндірме жұмыстарын жүргізді. Шара барысында психолог маман нашақорлықтың адам өміріне, денсаулығына, өміріне психологиялық және әлеуметтік тұрғыда тигізетін зардаптарын жан-жақты түсіндірді. Сонымен қатар, зиянды әдеттердің алдын алу жолдары, салауатты өмір салтын сақтау және өз мүдделері үшін жауапкершілік деңгейін жетілдіру мәселелері талқыланды.
Жиында жоғары сынып оқушыларына нашақорлыққа қарсы күрестің маңыздылығы, бұл әдеттің адам өмірін қалай бұзатыны және қоғамдағы орны туралы нақты мысалдар келтіріліп, бейнематериалдар мен статистикалық мәліметтер арқылы көрсетілді. Түсіндірме жұмыстары барысында оқушылар белсенді түрде қатысып, өздерінің пікірлерін білдірді және дұрыс өмір салтын сақтаудың тиімді жолдарын талқылады. Бұдан бөлек, қажетті психологиялық кеңестер беріліп, жасөспірімдерге өздерінің болашағын қорғау үшін қандай әрекеттер жасау керектігі туралы нақты ұсыныстар берілді.
Шара барысында оқушыларға арнайы үнпарақтар таратылды. Бұл үнпарақтарда нашақорлыққа қарсы күрес тақырыбындағы ақпараттар, зиянды әдеттердің салдары, салауатты өмір салтын сақтау жолдары, сондай-ақ, көмек алу үшін байланыс телефондары мен ұсынылатын қызметтер көрсетілген. Оқушыларға таратылған үнпарақтар олардың ақпаратты есте сақтауына, өздерінің өміріне қатысты дұрыс шешімдер қабылдауына септігін тигізеді. Сонымен қатар, бұл шара жастардың өз денсаулығын қорғауға, зиянды әдеттерден аулақ болуға деген қызығушылығын арттырып, өзара жауапкершілік сезімін қалыптастыруға көмектеседі.
Осылайша, ұйымдастырылған түсіндірме жұмыстары мен таратылған үнпарақтар жастар арасында нашақорлыққа қарсы күресті нығайтуға, салауатты өмір салтын насихаттауға және олардың болашағына деген жауапкершілік сезімін қалыптастыруға зор үлес қосады. Мұндай шаралар тұрақты түрде өткізілген жағдайда, жас ұрпақтың іргесін зиянды әдеттерден аулақ ұстауы, елдің дамуына белсенді қатысуы, саналы және сау азамат болып қалыптасуы үшін үлкен рөл атқарады.
Jsk ақпараттық агенттігі