Ағартушы спортшылардың ерлігі мен ел намысын қорғаудағы табандылығын көрсеткен тарихи сәт Ордабасы ауданында орын алды. Англияның Ливерпуль қаласында өткен әлем чемпионатында қазақ боксшылары командалық 1-орынды жеңіп алып, қазақ боксының бұл жеңісі тек спорттық жетістік қана емес, ел спортының жаңа белесі, патриотизм мен табандылықтың айқын көрінісі болды. Бұл жеңіс қазақ спорты үшін ғана емес, бүкіл әлемнің мақтанышы болып отыр.
Чемпиондардың арнайы кездесуі
Жеңістің нағыз қаһармандары — Санжар Тәшкенбай, Айбек Оралбай және ағайынды Махмұд пен Төрехан Сабырхандар — бүгін Ордабасы ауданына арнайы келіп, жастармен жүздесті. Кездесу барысында чемпиондар өздерінің спорт жолындағы қиындықтар, бапкерлік және жаттығу барысындағы ерекше сәттер туралы айтып берді.
Олар жастарға былай деді:
«Жеңіс – маңдай тердің, төзім мен тәртіптің жемісі. Ешқашан жеңілісінен қорықпау керек, әрбір қиындық – болашақта үлкен жетістіктің бастауы»
Мастер-клас пен мотивация
Шараның шарықтау шегінде әлем чемпиондары жас спортшыларға мықты мастер-класс өткізді. Жастар чемпиондардың техникасын өз көздерімен көріп, тәжірибе жинап, бокстың қыр-сырын меңгеруге мүмкіндік алды. Қолғап түйістірген әрбір жас чемпиондардан шабыт алып, өзінің спорттағы болашағына сеніммен қарады.
Рухани әсері
Бұл кездесу тек спорттық шара ғана емес, аудан жастарының рухын көтерген тарихи сәт болды. Ордабасының жас спортшылары әлем чемпиондарынан жігер алып, «Мен де жеңемін! Мен де шыңға шығамын!» деген сеніммен тарқасты. Осындай кездесулер жас спортшыларға өз қабілеттеріне сенуге, жаңа биіктерге жетуге және өз елінің атын халықаралық аренада абыроймен шығаруға деген ынта сыйлайды.
Ордабасы ауданы үшін бұл іс-шара — спортқа берілген ерекше қолдаудың айқын көрінісі. Жергілікті әкімдік пен бөлімнің қолдауы, жаттықтырушылар мен мамандардың еңбегі арқасында аудан жастары халықаралық деңгейде жетістіктерге жететін, ел намысын қорғайтын спортшылар болып қалыптасып келеді.
Әлем чемпионы атанған жерлесіміздің жетістігі – барлық Ордабасы жастарына үлгі, мотивация және болашаққа сенімнің нәтижесі.
Jsk ақпараттық агенттігі