• 29 марта, 2024 10:11 дп

Қазақстандықтар үшін енді жұмысқа орналасу кезінде диплом міндетті болмайды

Автор:admin

Дек 5, 2022

Еңбек және халықты әлеуметтік қорғау министрі Тамара Дүйсенова мәжілісте өткен үкімет сағатында кадрларды қабылдау механизмі қалай өзгеретіні туралы айтты. Оның айтуынша, жұмысқа орналасу кезінде диплом міндетті болмайды, деп хабарлайды Jsk.kz  ақпарат агенттігі.

Жұмысқа орналасу кезінде қызметкерлер дипломы бар-жоғына қарамастан тәжірибеде біліктілігін растауы тиіс және жұмыс берушіден сертификат алуы керек. Мұндай талаптар кәсіби біліктілік туралы заң жобасында бекітілетін болады.

Тамара Дүйсенованың сөзінше, «дипломның болуы біліктілік деңгейін растау болып саналмайды».

«Бұл көп жағдайда жастардың жұмысқа орналасуына кедергі болып жатады. Осыған байланысты ұлттық біліктілік жүйесін әзірлеу арқылы білім беру жүйесін жұмыс берушілердің талаптарымен байланыстыратын «Кәсіби біліктілік туралы» заң әзірленді», — дейді ол.

Тәжірибеде қажетті білім мен жұмыс дағдылары мен біліктіліктері бағаланғаннан кейін сертификаттар беріледі. Сертификат тек ресми емес, формалды емес және информалды (өндірістік оқыту) білімі барларға да берілетін болады.

«Осылайша, бұрын жұмысқа орналасу үшін артықшылық дипломның болуы болса, онда заңның қабылдануымен қызметкердің дағдылары мен құзыреттерін растайтын сертификаттың болуы артықшылық болады», — деп түсіндірді министр.

 

Автор: admin