Қазақстанның әлеуметтік-экономикалық дамуы жаңа кезеңге аяқ басты. Мемлекет басшысы Қасым-Жомарт Тоқаев Парламенттің VIII сайланған сессиясын ашқан сөзінде елдің алдында айрықша маңызды міндеттердің тұрғанын атап өтті. «Біз жан-жақты жаңғырту жұмысын күшейтуіміз қажет. Әлеуметтік-экономикалық даму барысына тың серпін беруіміз керек. Еліміз ұзақ уақыт бойы қолайлы сыртқы ахуалға сүйеніп келді, алайда халықтың тұрмыс сапасы әлі күнге дейін толық қанағаттанарлық емес. Құқықтық әділетсіздік белең алды, бай мен кедейдің арасы алшақтап кетті. Алдағы бес жылда Үкімет пен Парламент осы түйткілдерді шешуге тиіс» деді Президент. Бұл сөздер еліміздегі экономикалық жаңғыру мен өңірлік даму бағдарламаларының маңыздылығын айқын көрсетеді.
Осы маңызды міндеттерді орындау мақсатында Бәйдібек ауданына қарасты Боралдай ауылдық округінде жаңа индустриялық жобалар іске асуда. Аудан әкімі Ерлан Нұрмаханов Жыланды елді мекеніндегі «Шаян» индустриялық аймағына арнайы жұмыс сапарымен барып, өңірдегі жаңа жобаларды тексерді. Бұл сапар аудан экономикасын дамытудағы нақты қадамдарды көруге мүмкіндік берді.
2024 жылы индустриялық аймақта травертин тасын өңдеумен айналысатын «Рамирта» ЖШС жаңа өндірістік жобаны қолға алды. Жобаның құны – 800 миллион теңге. Құрылыс жұмыстары басталып, өндіріс толық іске қосылған жағдайда аймақтағы құрылыс материалдары нарысы кеңейіп, жергілікті тұрғындар үшін жаңа жұмыс орындары ашылады. Атап айтқанда, 44 адам тұрақты жұмыспен қамтылмақ. Бұл жоба тек өндірістік әлеуетті арттырып қана қоймай, аудан экономикасына айтарлықтай серпін беріп отыр.
«Рамирта» ЖШС жобасының басты ерекшелігі – өндірістік процестердің заманауи технологиялар негізінде ұйымдастырылуы. Бұл тек өнім сапасын арттырып қана қоймай, өндіріс тиімділігін де едәуір жақсартады. Сонымен қатар, жобаның әлеуметтік маңызы да зор: жергілікті тұрғындар тұрақты табысқа ие болып, кәсіби дағдыларын арттыруға мүмкіндік алады.
Сонымен қатар, 2025 жылы индустриялық аймақта тағы бір ірі кәсіпорын – «Каз Травертин» ЖШС орналасуы жоспарланған еді. Қазіргі таңда компания жер телімін рәсімдеуде. Жобаның жалпы құны – 1,8 миллиард теңге, ал тұрақты түрде 28 жаңа жұмыс орны ашылады деп күтілуде. Бұл кәсіпорын да өңірдің индустриялық әлеуетін күшейтіп, экономикалық дамуға қосымша серпін береді.
Боралдай ауылдық округіндегі индустриялық жобалардың жүзеге асуы бірнеше маңызды бағытта көрініс табады. Біріншіден, бұл жобалар аудан экономикасына айтарлықтай серпін береді. Жаңа өндірістердің іске қосылуы құрылыс материалдары нарысын дамытуға, өнім сапасын жақсартуға және экспорттық әлеуетті арттыруға мүмкіндік береді. Екіншіден, әлеуметтік тұрғыдан бұл жобалар халыққа тұрақты жұмыс орындарын ұсынып, тұрғындардың әл-ауқатын көтеруге ықпал етеді.
Индустриялық аймақтың дамуы ауданның инвестициялық тартымдылығын арттырады. Жергілікті билік пен кәсіпкерлер арасындағы тығыз әріптестік нәтижесінде өнеркәсіп секторы жүйелі түрде дамып келеді. Жаңа жобалар инвестициялардың тиімділігін көрсетіп, өңірге қосымша капитал тартуға жол ашады. Бұл бағыттағы әрбір жаңа кәсіпорын экономикалық жаңғыру мен тұрақты дамудың нақты көрінісі.
Аудан әкімдігі Ерлан Нұрмаханов жобаларды қадағалап, олардың сапалы орындалуы мен уақытылы іске асуын қамтамасыз етуде. Индустриялық аймақтағы өндірістердің заманауи стандарттарға сай жүзеге асуы тек экономикалық өсімге емес, әлеуметтік тұрақтылықты қамтамасыз етуге де бағытталған.
Жалпы, Боралдай ауылдық округіндегі индустриялық жобалар елдегі экономикалық жаңғырудың нақты көрінісі. Заманауи өндірістердің іске қосылуы аудан экономикасына жаңа тыныс сыйлап, инвестициялық тартымдылықты арттыруға ықпал етеді. Бұл бастамалар өңірде тұрақты даму мен жаңа жұмыс орындарын құруға жол ашып, ауылдық жерлерде экономикалық белсенділікті арттыруға мүмкіндік беруде.
Мемлекет басшысының атап өткен мәселелері – халықтың тұрмыс сапасын арттыру, әлеуметтік теңдікті қамтамасыз ету, құқықтық әділеттілікті нығайту, Боралдайдағы индустриялық жобалар арқылы нақты шешім табуда. Инвестициялар мен заманауи технологиялар ауданды жаңғыртып, әлеуметтік және экономикалық тұрақтылықты қамтамасыз етуге мүмкіндік береді.
Қорытындылай келе, Боралдай ауылдық округіндегі «Шаян» индустриялық аймағы мен жаңа өндірістік жобалар аудан экономикасын дамытудағы стратегиялық бастама. Жаңа кәсіпорындардың іске қосылуы жергілікті тұрғындар үшін тұрақты жұмыс орындарын ұсынады, құрылыс материалдары өндірісін дамытады және ауданның инвестициялық тартымдылығын арттырады. Бұл жобалар экономикалық өсімді ғана емес, әлеуметтік тұрақтылық пен жаңа индустриялық дәуірді қамтамасыз ететін нақты қадам болып табылады.
Jsk ақпараттық агенттігі