Түркістан – болашағы зор, заманауи, жаңа қала Еліміздегі атымен де, затымен де елеулі Түркістан шаһары бір кезде тарихи қала ретінде әлемге белгілі болса, бүгінде Түркістан облысының орталығына айналып, заманауи даму жолына түскен кент ретінде өзге елдердің де назарына ілініп отыр. Демек, Қазақстанның тәуелсіздік жылдарындағы қол жеткен табыстарының бірі де – жаңа Түркістан. ХАЛЫҚТЫҢ ӨСУІ Еліміздің оңтүстігінде жазық далаға орналасқан Түркістан қаласы қолайлы географиялық аймағында болғандықтын мұнда халық ежелден отырықшы тұрмыс салтын ұстанады. Ал облыс орталығы мәртебесін алғаннан бері бұл қалада тұрғын үйлер көптеп салынып, көшіп келушілердің саны жылдан-жылға артып келеді. Осы орайда қарыштап жаңа деммен дамып келе жатқан көне шаөар, әлбетте тазалықты бірінші орынға қояды. Осы бағыт бойынша Түркістанда «Таза Қазақстан» экологиялық акциясы аясында ауқымды тазалық шарасы өтті. Қоршаған ортаны қорғауға үндейтін «Қала тазалығы – перзенттік парызым» экологиялық акциясы қаланың 10 аумағында жиі ұйымдастырылып тұрады. Атап айтсақ, Қ.А.Ясауи кесенесі мен «Ханшайым плаза» кешені, Күлтөбе қалашығы аумақтарында, «Жеңіс» саябағы мен «Отырар» мөлтек ауданындағы 36, 37, 38, 39, 40 көпқабатты тұрғын үй аулаларында, сондай-ақ Әлқожа ата, Алшын, Дастанов, Нахипов, Әйтеке би, Ғ.Мүсірепов көшелерінде өтті. Кезекті тазалық күніне 1000-ға жуық азамат қатысты. 30-ға жуық техника жұмылдырылып, 18 мекеме қызметкерлері мен қала тұрғындары атсалысты. Белгіленген аумақтар тазаланып, ағаштарды күтіп-баптау жұмыстары жүргізілді. Сенбілік нәтижесінде қала көшелерінен 300 тоннаға жуық қоқыс шығарылған. Тазалық акциясы аясында әр апта сайын қала әкімдігіне қарасты мекеме қызметкерлері өз ғимараттары мен көшелеріне сенбілік өткізіп, экологиялық акцияға белсенділік танытып отыр. Сондай-ақ әр апта сайын тазалық күндеріне байланысты санитарлық тазалау жұмыстары жүргізіледі. «Таза Қазақстан» экоакциясының басты мақсаты – экологиялық мәдениетті қалыптастыру. Ал, экологиялық мәдениет ең әуелі табиғатқа жанашырлық танытудан басталады. Бұл бағытта Түркістан қаласында жұмыстар жүйелі атқарылуда. Қазіргі таңда барлық салаға тазалық күні бекітіліп берілген. «Таза Қазақстан» ұлттық жобасы аясында қала әкімдігінің ұйымдастыруымен 500-ден астам тұрғын сенбілікке шығып, секторлардағы орталық 15 көшенің бойын тазалады. Ағаш бұталып, әктеліп, жолдардың бойы шөптен аршылды. Қоқыстарды артып тасымалдауға 20-ға жуық техника жұмылдырылды. Жоба басталғалы бұл – 100-ші сенбілік. Бүгінге дейін қала аумағындағы орталық маңызы бар көшелердегі кәсіпкерлік нысандар мен қасбеттерін реттеу бойынша қалалық әкімдіктің 14 мекемесіне 32 көше бекітіліп, мердігер мекемелерді ұйымдастыру арқылы тиісті жұмыстар атқарылған болатын. Нәтижесінде 3839 нысан сараланып, жөндеуді қажет ететін 1562 нысан анықталды. Оның барлығы ретке келтірілді. Көпқабатты үйлердің қас беттері мен аулалары және суару жүйелері қайта жаңартылды. Көпқабатты үйлер алдына жаңадан 297 дана қоқыс салғыш орнатылды. Орталық көшелер бойына жаңадан орындықтар мен қоқыс салғыштар (110 дана) орнатылып, тиісті жұмыс жүрді. Саябақтар мен скверлерге толық тазарту жұмыстары жүргізілді. Тазалық мәдениетін қалыптастыру, халықты тазалыққа үйрету мақсатында учаскелік полиция инспекторы, сектор маманы және қоғам белсенділерін тарта отырып, 10 мобильді топ құрылды. Мобильді топ жұмысының нәтижесінде, жыл басынан бері ортақ пайдалану орындарда ластау дерегімен ӘҚБтК 434-2 бабы бойынша 4729 хаттама толтырылды. Абаттандыру қағидатын бұзу дерегімен ӘҚБтК 505-бабы бойынша 1164 хаттама толтырылса, жол жабындысын бүлдіру дерегімен ӘҚБтК 630-бабы бойынша 510 хаттама толтырылған. Салынған айыппұл мөлшері 81 млн. теңгеден асты. Атқарылған жұмыстар өз нәтижесін беруде. Тұрғындар белгіленбеген орынға қоқыс тастамауға, қоқысты кестеге сәйкес шығаруға дағдыланып келеді. Қазақстанның тарихи-мәдени орталықтарының бірі Түркістан «Таза Қазақстан» республикалық экологиялық акциясына белсенді қатысып жатыр. Әр сенбі сайын осы бағдарлама аясында түрлі іс-шаралар өтеді. Мысалы, жақында Түркістан облысы Түркістан қаласында 150 ерікті 3000 гектар аумақты қоқыстан тазарту үшін жиналды. Бұл ауқымды жоба азаматтардың табиғатты қорғауға белсене қатысуының маңыздылығын тағы бір мәрте атап көрсетеді. Бұл бастама экология және табиғатты қорғау мәселелеріне назар аударуға, сондай-ақ азаматтардың қоршаған ортаға деген жауапкершілігін арттыруға бағытталған. Арасында жастар ғана емес, әр түрлі жастағы адамдар да бар акцияға қатысушылар күні бойы қоқыс жинап, қалдықтарды сұрыптаумен айналысты. Олар саябақтар, қоғамдық орындар және жағалау аймақтары сияқты әртүрлі сайттарды қамтыды. Олардың күш-жігерінің арқасында бұрын ластанған үлкен аумақ өзінің таза және жақсы өңделген келбетін қалпына келтірді. Отырар секторы тұрғындарының мұндай белсенді қатысуы аумақты тазартумен қатар, жұртшылықты біріктіреді. Адамдар иық тіресе жұмыс істеп, болашақта қоршаған ортаны қалай сақтау керектігі туралы пікір алмасып, ой бөлісті. Акция көпшіліктің қызығушылығы мен шабытын тудырды, бұл азаматтардың мұндай шараларға әрі қарай қатысуына септігін тигізері сөзсіз. Отырар секторының жетекшісі Нұржан Манасовтың айтуынша, қазіргі күнде бұл аумақта 50 мың 750 гектар жер бар. Соның 3 мың гектары қоқыстан тазартылды. Манасов, қала тұрғындары «Таза Қазақстан» бағдарламасы аясында ұйысмдастырылған шараға үйреніп қалған. Сенбі шайын аталған шараға қатысуға тырысады. Аталмыш акцияға бұл жолы республикадан блогерлер мен өнер адамдары да қатысқан. Мысалы, блогер Серғазы Тоқтарбек бұл шараның өзіне ұнағанын айтады. «Акция аясындағы шара керемет өтіп жатыр. Қлада қзгерістер көп. Талай әдемі жерлерді көрдік. «Таза Қазақстан» – бұл тамаша акция, өйткені тазалық – денсаулық кепілі Қалаларымыз көркейе берсін. Өсе берсін. Тек алға. Қолдаймыз», — дейді ол. 3 мың гектар жерді қоқыстан тазарту – облыстың сыртқы келбетін жақсартып қана қоймай, өңірдің экожүйесіне де оң әсерін тигізетін елеулі жетістік. Таза қоршаған орта биологиялық әртүрлілікті сақтауға көмектеседі, су мен ауаның сапасын жақсартады, бұл өз кезегінде жергілікті тұрғындардың денсаулығына әсер етеді. 150 ерікті қатысқан Отырар секторын тазарту шарасы қоғам күші қоршаған ортаны жақсы жаққа қалай өзгерте алатынын көрсетті. Бұл оқиға экологиялық жағдайдың айтарлықтай жақсаруына әкеліп қана қойған жоқ, сонымен қатар көптеген адамдарды табиғатқа қамқорлықпен қарауға шабыттандырды. Мұндай бастамалар экологиялық сананы қалыптастыруда және әрбір адамның таза және салауатты болашағын құруда шешуші рөл атқарады. «Таза Қазақстан» акциясының түркістандықтардың сана-сезіміне ықпалы зор. Іс-шараларға қатысу қоршаған ортаға жауапкершілік сезімін тудырады және экологиялық мәселелерді шешуге азаматтық қатысуды белсендіреді. Қала тазалығы тек биліктің ғана емес, барша азаматтардың ортақ міндеті екенін тұрғындар түсіне бастады. Түркістан халқы экологиялық құндылықтарға адалдығын көрсетіп, «Таза Қазақстан» республикалық акциясын белсенді түрде қолдайды. Бұл өңірдегі экологиялық жағдайды жақсарту жолындағы маңызды қадам ғана емес, сонымен қатар әрбір адамның таза және жайлы өмір сүру кеңістігін құруға үлес қосу мүмкіндігі. Біз бірге болашақ ұрпақ үшін табиғатты сақтай отырып, қаламызды және елімізді көркейте аламыз.
JSK ENTER MEDIA