Ордабасы ауданында жастар мен тұрғындар арасында салауатты өмір салтын насихаттау, алкогольдік ішімдіктер мен есірткі заттарының зияндылығын түсіндіру мақсатында ерекше шара ұйымдастырылды. Шара аясында «Салауатты болашақ» атты бейнефильм көрсетіліп, қатысушылар денсаулықты сақтау, зиянды әдеттерден аулақ болу қажеттілігі туралы маңызды ақпарат алды.
Бейнефильм арқылы жас өспірімдер мен жастарға алкоголь мен есірткі заттарының адам ағзасына, психологиялық дамуына, әлеуметтік өмірге тигізетін кері әсерлері туралы түсінікті және қызықты түрде жеткізілді. Көрермендер бұл ақпараттың өз өмірінде қаншалықты маңызды екенін бағалады, бейнефильмнен алған әсерлерін бөлісті.
Шараның нәтижелері: Қатысушыларға салауатты өмір салтын таңдау қажеттігі, денсаулыққа зиянды әдеттерден аулақ болудың маңызы түсіндірілді, жастар мен тұрғындардан позитивті пікірлер мен алғыстар қабылданды, бейнефильм жастардың санасында алкоголь мен есірткіге қарсы тұрақты көзқарас қалыптастыруға септігін тигізді.
Бұл шара көрсеткендей, салауатты өмір салтын насихаттау – болашақ ұрпақтың жарқын, дені сау өміріне негіз болып табылады. Әр адам өз денсаулығы мен болашағы үшін жауапты екенін түсініп, салауатты таңдау жасауға шақырылады.
Салауатты болашаққа бірге қадам жасайық!
Jsk ақпараттық агенттігі