Бүгін Шымкент қаласында «Таза Қазақстан» экологиялық акциясы аясында тазалық жұмыстары ұйымдастырылды. Іс-шараны Шымкент қаласының Жастар саясаты басқармасына қарасты «Жастар ресурстық орталығы» КММ мен Оңтүстік Қазақстан медицина академиясы бірлесіп өткізді. Қоршаған ортаны қорғау, туған жердің тазалығын сақтау және өңірдегі экологиялық мәдениетті көтеру бүгінгі таңда мемлекеттік саясаттың басым бағыттарының біріне айналды. Елімізде қолға алынып, жүйелі түрде жүзеге асырылып жатқан ауқымды «Таза Қазақстан» республикалық экологиялық бағдарламасы аясында Шымкент қаласының жастары ерекше белсенділік танытып келеді. Мемлекет басшысының бастамасымен көтерілген «Таза Қазақстан» жалпыұлттық бағдарламасы мегаполисте тек науқандық шара емес, тұрақты үрдіске ұласты. Бағдарламаның мақсаты – тек көшелерді тазарту ғана емес, қоғамда, әсіресе өскелең ұрпақтың санасында экологиялық мәдениетті қалыптастыру, табиғатқа деген жауапкершілікті арттыру. Шымкент қалалық жастар саясаты орталықтарының еріктілері, студенттер мен оқушылар бұл мемлекеттік бастаманы қызу қолдап, қаланың тазалығы мен көгалдандырылуына сүбелі үлес қосып жүр. Жыл басынан бері ұйымдастырылған жалпықалалық сенбіліктер мен эко-акцияларға мыңдаған жас жұмылдырылды. Акцияның негізгі мақсаты – қоршаған ортаны қорғау, қала тазалығын сақтау және жастар арасында экологиялық мәдениетті қалыптастыру. Тазалық жұмыстарына Оңтүстік Қазақстан медицина академиясының 30-ға жуық студенті қатысып, қала саябақтарының аумағын қоқыстан тазартуға және абаттандыру жұмыстарына атсалысты. Жастар қоғамдық орындардың тазалығы мен көркеюіне өз үлестерін қосып, табиғатты аялаудың маңыздылығын насихаттады. Экологиялық бағдарламалардың тиімділігі – халықтың, әсіресе жастардың саналы көзқарасына тікелей байланысты. Шымкент жастарының бұл игі істерге атсалысуы туған қаласына деген сүйіспеншілігі мен патриотизмінің нақты көрінісі. «Таза Қазақстан» экологиялық акциясы қоғамда тазалыққа, қоршаған ортаға жауапкершілікпен қарауға және белсенді азаматтық ұстанымды қалыптастыруға бағытталған. Жастардың осындай бастамаларға белсенді қатысуы – Шымкенттің көркеюі мен тазалығына қосылған маңызды үлес. Қорытындылай айтқанда, «Таза Қазақстан» бағдарламасы аясында ұйымдастырылып жатқан шаралар Шымкенттің келбетін түлетумен қатар, қоғамды жұдырықтай жұмылдыра түсті. Жас буынның тазалық пен тәртіпті өмір салтына айналдыруы – гүлденген, жасыл әрі жайлы мегаполис құрудың кепілі.
Jsk ақпараттық агенттігі