Шымкент қаласы полиция департаментінің киберқылмысқа қарсы іс-қимыл басқармасының қызметкерлері интернет-алаяқтықпен айналысқан ұйымдасқан топтың заңсыз әрекетін тоқтатты, – деп хабарлайды Jsk.kz. Қаскөйлер WhatsApp мессенджері арқылы кең таралған алаяқтық схеманы қолданған. Олар азаматтарға туысы, досы немесе жақын танысы болып хабарласып, түрлі сылтаумен шұғыл түрде ақша аударуды сұраған. Алданған тұрғындар көрсетілген шоттарға қаражат жіберіп отырған. Жәбірленушілердің бірі – жергілікті тұрғын. Ол өзіне досының атынан шұғыл қаржылай көмек сұраған хабарлама келгеннен кейін, еш күмәнданбастан көрсетілген есепшотқа 3,5 миллион теңге аударған. Кейін алаяқтықтың құрбаны болғанын түсініп, полицияға жүгінген. Жедел-іздестіру іс-шараларының нәтижесінде полицейлер алты күдіктіні анықтады. Тінту барысында жалдамалы пәтерден қылмыс жасау кезінде пайдаланылған 19 SIM-карта, 11 телефон және планшет тәркіленді. Қазіргі уақытта күдіктілердің Астана мен Шымкент қалаларында жасалған екі алаяқтық дерегіне қатысы бары анықталды. Келтірілген шығынның жалпы сомасы 7,5 млн теңге. Сондай-ақ олардың осыған ұқсас өзге де қылмыстарға қатысы бар-жоғы тексеріліп жатыр. Үш күдікті уақытша ұстау изоляторына қамалды. Тергеу әрекеттері жалғасуда. Бүгінгі таңда цифрлық технологиялардың дамуымен қатар, киберқылмыс пен интернет-алаяқтық мәселесі де жаһандық деңгейдегі өзекті тақырыптардың біріне айналды. Осы орайда, Шымкент қаласының полиция қызметкерлері жүргізген жедел-іздестіру іс-шараларының нәтижесінде, тұрғындарды сан соқтырып келген интернет-алаяқтардың ұйымдасқан тобы құрықталып, олардың қылмыстық әрекеттерінің жолы кесілді. Бұл операция заң мен тәртіпті қамтамасыз ету, сондай-ақ азаматтардың қаржылық қауіпсіздігін қорғау бағытындағы маңызды қадам болды. Ұсталған күдіктілер заманауи технологиялар мен психологиялық қысым құралдарын шебер меңгерген. Тергеу барысында олардың келесідей заңсыз схемаларды қолданғаны анықталды: Банк қызметкерлері кейпінде қоңырау шалу: Күдіктілер өздерін «банк қауіпсіздігі қызметіненбіз» немесе «құқық қорғау органдарынанбыз» деп таныстырып, азаматтардың шотындағы қаражатты үшінші тұлғалар жымқырмақ болғанын айтып қорқытқан. Жалған несие рәсімдеу: Құрбандарының сеніміне кіре отырып, олардың жеке мәліметтерін (ЖСН, SMS-кодтар, карта нөмірлері) иемденген және олардың атына ірі көлемде онлайн-несие рәсімдеген. Ақшаны жылыстату (Дропперлік желі): Жымқырылған қаражатты ізін суыту мақсатында үшінші тұлғалардың (дропперлердің) банк карталары арқылы басқа шоттарға аударып, криптоәмияндарға айналдырып отырған. Шымкент полицейлерінің бұл сәтті операциясы қаладағы киберқылмыс деңгейін төмендетуге септігін тигізері анық. Дегенмен, әрбір азаматтың қырағылығы мен қаржылық сауаттылығы — алаяқтарға қарсы ең басты қалқан болып қала бермек.
#ЗАҢМЕНТӘРТІП