• 29 ноября, 2025 3:45 пп

БЕРІК САҒАТБЕКҰЛЫ – ОРДАБАСЫ АУДАНЫНЫҢ МАҚТАНЫШЫ

Автор:admin

Ноя 21, 2025

18-22 мамыр аралығында Астана қаласында Мәдениет және өнер ұйымдары мен қызметкерлерінің “РУХАНИ ҚАЗЫНА — 2025” фестивалінің республикалық кезеңі өтті. Бұл шара еліміздің мәдени өмірінде маңызды орын алып, өнер саласының дамуына айтарлықтай үлес қосып отырған үздік мамандар мен таланттарды таныстыруға арналған.

Республикалық фестивальге Ордабасы ауданының мәдени өмірін паш ететін өнерпаздар да қатысып, өз шеберліктерін көрсетті. Атап айтқанда, Ордабасы Аудандық Мәдениет Үйінің көркемдік жетекшісі, “Темірлан” халық театрының әртісі, “Ордабасы” фольклорлық халық ансамблі және “Арай” халықтық вокалды аспаптар ансамблінің әншісі, іс-шара жүргізуші Берік Сағатбекұлы облыстық кезеңнен өтіп, республикалық деңгейде бақ сынады.

Байқауда жоғары дәрежеде өнер көрсетіп, кәсіби шеберлігінің жоғары деңгейін дәлелдеген әріптесімізге Мәдениет және ақпарат вице-министрі Айбек Жексенәліұлы Сыдықовтың алғыс хаты табысталды. Бұл марапат Берік Сағатбекұлының таланты мен шығармашылық еңбегін мойындаудың көрінісі ғана емес, сонымен қатар Ордабасы ауданының мәдениет саласында өзіндік орны бар талантты өнерпаздарының бірегей үлесі екендігінің дәлелі болып табылады.

Ордабасы ауданының мәдениеті мен өнерін өркендетуге қосқан үлесі үшін әріптесімізді шын жүректен құттықтаймыз. Берік Сағатбекұлына денсаулық, отбасының амандығы, шығармашылық табыстар мен жаңа жетістіктер тілейміз. Мұндай марапаттар ауылымыздың мәдениет саласының дамуына қосқан үлесті бағалаудың айқын көрінісі болып табылады және жастарды өнерге баулуға серпін береді.

 

Jsk ақпараттық агенттігі

Автор: admin